楊思琦和袁彩雲昨日到藍田啓田邨擔任「領匯印尼節」嘉賓，二人穿上印尼傳統結婚服飾，與兩位新郎行婚禮。思琦頭戴巨型頭飾，早前扭傷頸的她不敢太大動作，但與袁彩雲站在一起拍照時，兩人的頭飾互相勾住，要工作人員幫忙解開，場面尷尬。
諗住遲婚
思琦說：「個頭飾好重呀，我拍劇着過好多次婚紗同裙褂，但第時結婚都會着，話晒同自己鍾意嘅人一齊，會做足。」問到有否結婚計劃？思琦說：「冇諗呀，工作為重，𠵱家好多女性都遲婚，順其自然啦。」
袁彩雲也謂日後結婚會做齊中國傳統儀式，但談到何時出嫁，她說：「有排都未呀，唔係今年囉，今年好多嘢做，或者出年啦，我都唔急。」她謂男友未求婚，但她不介意做主動，她又說：「我怕第時唔知點同仔女講，都係唔好喇。」
採訪、攝影：何慧斯