新片《內衣少女》雲集鄧麗欣（Stephy）、JaniceMan、賈曉晨（JJ）及湯怡等多位青春玉女，她們將會以性感內衣造型出現，打破過往的玉女及保守形象，Stephy更硬銷新片，表示在發育完成後首次穿內衣及比堅尼亮相。
中國星出品的新片《內衣少女》昨日開鏡，眾演員到尖沙嘴出席拜神儀式，大會安排穿上胸圍內褲的模型公仔作背景，而一眾女演員Stephy、JaniceMan及湯怡卻打扮密實，安志杰及Shine等亦有出席，鄭中基則因病缺席。
「24歲冇得豐胸」
在戲中飾演內衣調查員的Stephy表示，自發育後，未曾穿過比堅尼或內衣示人，她說：「都幾緊張，Cookies時着過比堅尼之後，喺發育完成就未着過。」Stephy自言很抗拒Tback及喱士內衣，因為怕身體敏感，內衣會選擇舒適為主。Stephy直言曾買錯胸圍，她說：「我第一次買內衣都係自己一個人，媽咪都冇陪我去，當時完全唔識買。雖然舖頭入面有店員會介紹，但我覺得好尷尬，唔想畀佢掂自己，又唔想畀佢睇，咁就求其買，點知買大咗，唔啱着。」
對於會否在戲中公開真實的三圍，Stephy笑言盡量要求虛構。她更透露為上鏡有更好效果，會做spa及磨砂護膚，談到豐胸，她說：「24歲都冇得豐，惟有靠電腦效果。」
偏愛成熟男士
JaniceMan首次在電影擔重戲份，她在戲中飾演阿伯殺手，喜歡較成熟的男士，至於現實生活，JaniceMan強調也會偏向選擇思想成熟的男仔，但年齡大3、4年便足夠。今次戲中多位女演員都會以內衣出現，各界關注有否比拼身材場面，JaniceMan說：「我都冇乜可以比拼，我冇豐滿嘅上圍，但係我唔介意，因為呢樣嘢係媽咪畀我嘅。」
在戲中與安志杰有感情線的JJ表示，已有心理準備拍攝激烈親熱戲，對於與型男合作會否心動，JJ慨嘆：「啱都冇用，公司講明唔畀我拍拖，我自認感情白癡，𠵱家工作多到填滿晒時間，都冇時間諗。」
採訪：張俊銘 攝影：仇志德
