名模樂基兒（Gaile）被傳曾與郭富城交往，她前晚否認其事，又自覺與黎明（Leon）不配襯，是命運安排才走在一起，更揚言只要大家疼Leon，批評她也不緊要。單看這份忘我的愛，已經偉大到足配任何男人啦！
時裝品牌FrenchConnection前晚在銅鑼灣舉行08春夏騷，樂基兒、AmandaStrang和Rosemary等示範新裝，官恩娜壓軸行騷。Gaile如常有多位師奶fans打氣，她表示行騷後要飲湯當晚餐，希望減去四磅，問她黎明可要一同減肥？她即笑說：「唔使，佢可以加㖭。」
「最緊要錫Leon」
Gaile之前曾表示沒看過黎明的電影，即惹來fans指摘她不配做黎明女友，她前晚聞言毫不動氣說：「冇所謂，Idon'tcare，我呢啲一定唔會有壓力，我又唔識佢哋，佢哋又唔識我。如果因為有人講，我哋就介意，我哋啲愛都唔夠strong，唔值得喺一齊。」
問Gaile自覺與黎明相配嗎？她說：「我唔覺得我哋襯，係命運安排我哋喺一齊，我哋好多嘢都唔夾，我好americanstyle，佢就好Chinese，大家慢慢學習改變囉。」至於外形，她說：「都唔夾㗎，佢靚仔啲，尤其大家企埋一齊，佢靚啲，不過通常（企埋一齊）只會喺屋企。」她又表示不介意fans批評，她說：「大家最緊要錫Leon。」
對於有傳Gaile因曾與郭富城拍拖，惹來熊黛林不滿？她說：「好搞笑，梗係冇啦，之前大家各有各忙，after北京之後，反而close咗。」
穿白裙勁打底
同場，Rosemary真空演繹低V及吊帶黑裙等，相反壓軸的官恩娜，白裙下穿打底褲及tubetop，相信是受到早前走光露點影響，官恩娜對此謂打底由大會安排，更死撐是layering設計。問她夏天會否接泳衣工作？她說：「睇公司安排啦，泳衣要留番出書用，唔係錢問題。不過我都唔慣喺公眾場合着泳衣，我平時沙灘游水都要加tee同短褲，同朋友就比堅尼top同短褲，屋企人先可以全套比堅尼。」
採訪：RitaLeung 攝影：RickyChan
