阿聯酋首都阿布扎比是熱愛「豪遊」人士的新興旅遊點，既然使開錢，嘆，就要嘆得徹底，香格里拉大酒店集團旗下的CHI（氣）水療中心已在當地開幕，識嘆之人又多個地方去了。
CHI水療中心今趟遠征中東，主打是土耳其浸浴（Hamman），賓客享受完舒適按摩後，緊接來一場「熱石俱焚」擴張毛孔，隨即整個磨砂幫助排毒，聽到呢part已覺爽死，原來仲未完喎，仲有個摩洛哥黑泥加海藻體膜包身，玩完咁大餐，皮膚好難唔滑嘟嘟哦。
當你去兩日啦，Day1玩完Hamman，Day2馬上Encore未免太補，我建議第二日可來個CHI阿布扎比中心獨家推出的淨化咖啡磨砂護理，咖啡磨砂採用阿拉伯咖啡豆及蘆薈凝膠，據聞可減少橙皮紋及加快排毒，Work唔Work一時三刻無從分曉，不過個過程肯定香噴噴！
記者：劉嘉蕙
查詢：http://www.shangri-la.com