李克勤、古巨基及方力申等前晚到紅館出席「北京奧運倒數100天」活動，大班藝人歌星及名人參與。克勤未能成為火炬手，他坦言是意料之內，他說：「每人心中都有一份火炬手名單，好難順應每個人心意，好似霍生（霍震霆）講呢份名單係香港社會縮影，我都好同意。呢個時候應該關心傳送聖火過程順唔順利，唔好本末倒置，因為係全世界去睇，每一個人，就算識唔識都要幫火炬手打氣！」
跳舞似食菜
此外，賭王何鴻燊與四太梁安琪表演跳舞，梁安琪事前笑說：「唔使點練，好似食菜咁食。」薛凱琪以麥當娜式導彈裝登場，打扮出位，搶回不少鏡頭，她表示最開心聽到汪明荃出任火炬手，覺得很有型。至於和基仔屬同一公司的側田，對於基仔能夠出任火炬手，自己也感到驕傲。
採訪：李珮洳攝影：陳順禎