車禍中重傷不治的58歲婦人劉小橋，自十多年前丈夫因患癌病逝後，一直含辛茹苦獨力撫養兩名兒子長大成人，一家三口居住在慈雲山慈政樓一單位。幾年前，原任保安員的劉小橋因風濕病辭工，生活重擔落在23歲任職餐廳水吧工作的細仔利少鋒身上，而大仔則因染上毒癮，現正在喜靈洲接受戒毒。
「你死得好慘呀」
利少鋒昨在女友及舅父陪同下到沙田殮房認屍，他神情悲慟痛泣說：「阿媽你死得好慘呀，個頭都俾嘢削咗唔見一半，個嘴仲腫得變晒形。」阿鋒經記者的安慰下，情緒回復後表示，母親在車禍中整個頭部被撞至變形，需殮房工作人員協助才能勉強辨認。
阿鋒回憶小時候跟隨母親到教會時說：「阿媽係個虔誠教徒，幾年前退休後日日返去教會做義工，12年前仲同教友一齊去日本總會參拜。」阿鋒又表示，母親是1986年8月31日正式入教，至今已22年，教會每月的大聚會，母親從未錯過，慈雲山分會所有教友，基本上她全部認識。
「我一個月搵7,000幾蚊，每月畀阿媽4,000蚊家用，除咗交租佢得2,000蚊使，我知佢好手緊，佢餐餐都係白飯加幾條青菜，但佢從來冇同我講唔夠錢，我知佢擔心我有壓力。」阿鋒又表示，幾日前同阿媽講母親節想送個手錶給她，當時阿媽很開心地說：「送個幾十蚊嘅夠啦。」
本報記者