今日傳聖火，華華相信近排警察大佬最驚見到會係喇嘛打扮嘅人士，點知前兩日世紀21中華物業喺紅磡開多間分行，華華駭然發現一位高僧喺嘉賓當中。原來華華見識淺，嗰位唔係西藏喇嘛，而係泰國高僧（中）。據講，嗰位高僧係祥益地產老闆汪敦敬（左二）個老友，高僧嚟香港只係留一日咁多，咁蹺有新店開張，汪老闆咪順便帶佢去剪綵，兼為新店祈福囉！