L.A.直擊：LG炮製　7.8億大騙案

舉行咗奧斯卡頒獎典禮都唔夠三個月，荷李活又搞多次紅地毯，會唔會快咗啲？近期在歐美不斷播放嘅電視連續劇《Scarlet》宣傳片，日前舉行「首映」，不過呢場「首映」原來係LG與荷李活導演一手策劃嘅大騙局！主角並非NatassiaMalthe，而係LG最新的同名HDTVScarlet，傳聞花費近7.8億港元嘅宣傳活動，認真大陣仗。

記者、攝影：陳國輝

感應掣標奇立異

呢個大騙局明顯經過精心策劃，由《X-File》的DavidNutter執導，《DeadorAlive》綾的扮演者NatassiaMalthe擔任主角，於歐美地區不停播放，再搞埋紅地毯「首映」，難怪LG高層李寬燮都話今次係有史以來花得最龐大嘅宣傳費！香港市民冇機會喺電視睇到，不過《Scarlet》網址www.scarletseries.tv一樣有片播，大家不妨欣賞吓！
究竟呢部HDTV點勁法？現場並冇機會詳細測試，但如果大家想睇真啲，可於下星期本港正式面世時試玩。但就所見實物，最大賣點應屬於中間的Logo所在，那圓形物體其實係LG最新開發嘅TouchSensor，只要將手指輕輕放進去，電視便會開啓或關閉，據講，呢個Sensor仲能夠因應唔同燈光環境，識得自行調節畫面嘅色彩與光度，可謂全自動化。當然，想玩得專業啲，你亦可選擇以手動調校各項數值，直至滿意為止。

■把手指放入Sensor內約兩秒，電視即自動開啓。

■在StandbyMode時，TouchSensor會顯示為紅色。

全球最薄45mm

Scarlet系列分別會推出32吋至52吋，而當中42吋及47吋兩款均採用超薄設計，機身厚度僅45mm，堪稱全球最薄。而講到Design，亦不得不提其火紅色靚背，佢外表採用半鏡面物料做成，而且質感滑溜，相信LG刻意要將HDTV打造成一件藝術品擺設放喺屋企，其定位並非一般家庭AV產品咁簡單。當然，Scarlet也屬於FullHD級液晶電視，解像度達到真正1080p；然而更值得一提係，佢玩上比普通LCDTV更勁嘅TruMotion120Hz技術，Hz數值越高，就表示處理高速移動畫面嘅效果越流暢，而市場普遍在100Hz的情形下，Scarlet更見突出！