【本報訊】「如果唔係個手鈪同件衫，我都唔敢認係佢，個面撞到變晒形認唔出來。」吳先生的妻子吳建玲（52歲），不幸在西貢大車禍中喪生，吳先生與兩名兒子及多名親友到沙田富山殮房認屍後，傷心得抱頭嚎哭，需同行親友安慰。
「今朝仲好哋哋」
「幾年前佢（吳建玲）身體唔好，又有糖尿病，聽講呢個教會好又可以做善事，就跟街坊去入會拜神；平時佢一得閒就去慈雲山拜神。」吳先生透露，太太在車禍中被撞至面目全非，難以辨認，他們僅憑其衣着及手上的手鈪來確認身份。
吳先生表示，妻子30年前跟隨家人由潮州移居香港，他們因工作關係而認識，由於同聲同氣，順理成章結為夫婦；婚後育有兩名兒子，現時兩名兒子已長大成人，一家四口在慈雲山毓華里居住。
從事塑膠行業、月入約10,000元的吳先生說：「佢（太太）個人好開朗，又好熱心，幾乎每日都會去教會做義工，估唔到今朝仲好哋哋出門就冇咗個人。」
據吳的親屬透露，吳家其他人並沒有加入香港神慈秀明教會，由於吳建玲加入教會後，性格變得樂觀及肯助人，所以親人並沒有反對她入教。