無綫劇集《古靈精探》前晚在將軍澳舉行慶功宴，出席的演員有郭晉安、郭羨妮及曾華倩等，而無綫總經理陳志雲也有出席支持。席間台前幕後工作人員也問陳志雲是否會開續集，他也坦言會開拍續集，並多謝安仔及其新生子，因為安仔其時剛榮升爸爸，對這個劇有免費宣傳效用。
拒畀相士改名
郭晉安說：「囝囝改咗名叫郭令山，令字係有領導人意思，山字夠穩重，又有一種形態感覺，囝囝成日瞓覺舉起隻手，好似一座山，我冇搵相士改名，因為個名要爸爸改先至得，咁就有做人爸爸嘅感覺。」
此外，陳志雲也是今次奧運火炬手之一，明日他會在青馬大橋負責傳聖火，他說：「只係跑160至180米，唔算太遠路，不過火炬兩磅就重咗啲。」
採訪：楊潔雯