李彩華（Rain）入行後的感情生活多姿多采，先後與林峯及丁子高傳緋聞，近日又被發現翻撻蕭定一，她前晚亮相《蘋果》網站直播節目《娛樂開CHAT》，逐一品評多位舊愛。問到丁子高、林峯及蕭定一誰最接近她的擇偶條件，Rain說：「三個加埋啦，林峯嘅俊俏，丁子高嘅親切同阿一嘅成熟。」
此外，Rain帶同早前合作主演亞視劇集《火蝴蝶》的唐文龍和董敏莉亮相，二人分飾Rain的丈夫和胞妹。大家可登入《蘋果》網站 http://ent.appledaily.com隨時重溫節目。
採訪：懷鈺 攝影：陳偉權
化妝：EmmaLee（MAKEAcademy）
髮型：DanielChou（HairCorner）
梁俊一越洋撐場─泰國梁俊一
梁俊一：我𠵱家喺泰國，拍緊《風雲II》。
李彩華：做乜嘢角色呀？
梁俊一：我個角色叫絕地，係謝霆鋒個細佬。
唐文龍：辛唔辛苦呀？
李彩華：熱唔熱呀？
梁俊一：好熱呀！熱過香港好多。喺廠裏面，個個都流晒汗㗎。
主持：不如你同我哋講下拍《火蝴蝶》啲趣事或者秘聞。
梁俊一：冇呀，咪一開始暗戀阿Rain，之後到暗戀董敏莉。
主持：唔講劇情，有冇其他嘢呀？
梁俊一：問我老師啦，我老師係唐文龍呀，佢教識我好多嘢㗎。
唐文龍難有艷遇─阿晶
阿晶：我想問唐文龍拍呢套劇有冇艷遇呀？
唐文龍：鏡頭以外又真係冇喎，因為每日工作十個鐘頭以上，如果我要fallinlove的話，一定係佢兩個喇，或者我媽咪啦，我都好愛我媽咪，劇入面嘅媽咪（鮑起靜）。
阿晶：我想問董敏莉，鍾唔鍾意劇入面個角色㗎？我見你個冬菇頭look，好搞笑！
董敏莉：我開頭對個造型都有少少保留，出到嚟之後，大家都好鍾意，導演見到我直頭每一次都好開心笑啦，所以我諗呢個造型都OK㗎！
唐文龍：因為你真係似13歲呀！
董敏莉：咁同我真實年齡都係爭幾歲啫！我都好鍾意呢個角色，因為佢係一個智慧好高嘅女仔嚟㗎，同我本身有啲似囉。
懷孕遇意外深刻─黃大仙Sandy
Sandy：我想問下《火蝴蝶》入面，邊一part係你最深刻㗎？
李彩華：有一part係話我有咗BB，之後kick咗落樓梯，結果係點唔講得住，但個劇情令我好深刻，因為新年時我睇個劇本，睇完呢一part之後狂喊，咁之後我媽咪問我乜嘢事，我同佢講完之後，佢同我講，你記住拍戲嘅時候要諗番𠵱家你睇劇本嘅心情，好想睇番呢場戲，因為好多都係用心做，亦多謝有咁多人支持啦。
版主：凌零發
