今日是奧運聖火在香港傳送的大日子，120位火炬手皆抱着興奮緊張的心情，迎接神聖的一刻來臨，希望順利完成傳送聖火的重任。而一眾火炬手中，來自演藝界的九位代表為劉德華、陳慧琳、陳奕迅、汪明荃、張學友、古巨基、方力申、無綫總經理陳志雲及07年中華小姐環球大賽總冠軍曾光，至於楊千嬅則於明天在澳門傳送聖火。
眾星對於被委以神聖重任均表現得相當雀躍，為順利完成今次任務，昨日都加緊準備，有些更急不及待穿上運動裝綵排，甚至擔心會緊張至失眠。採訪：林妃、丁寧
007號火炬手─陳慧琳 35歲
接力路段：尖沙嘴彌敦道（清真寺跑至美麗華商場）
接力時段：約10:30am開始
提名單位：韓國電器三星
「心情係好興奮，9點要到場，大會話跑時盡量慢啲，留番啲氣，相信跑200米冇乜問題。如果傳聖火出現示威，我都唔會擔心，因現場有咁多警察戒備，應該唔會有事發生。」
004號火炬手─劉德華 46歲
接力路段：尖沙嘴梳士巴利道至彌敦道（由半島酒店、太空館對出直跑轉入彌敦道）
接力時段：約10:30am開始
提名單位：港協暨奧委會
「我有用跑步機練習吓，但只會慢跑，唔會做得太劇烈，要保持心境平和，唔好太緊張，最緊要前一晚早啲瞓，唞足精神，開開心心做好件事。」
006號火炬手─方力申 28歲
接力路段：尖沙嘴彌敦道（重慶大廈跑至清真寺）
接力時段：約10:30am開始
提名單位：港協暨奧委會
「因為要一早起身去整頭髮，所以自己都驚失眠，我就仲未試過大會件衫，總之邊樣好睇就會點着，到時唔怕有人示威，亦都冇諗過呢啲。」對於有指火炬手名單太少運動員，「冇一個名單係大家覺得最完美，我覺得傳送聖火係延續奧林匹克嘅精神，有份參與已值得高興，冇得參與亦都可以一齊感受呢個傳統，講到尾𠵱家運動都唔同以前，好多時都會牽涉政治、商業，咁一定會有好多意見，亦都好難令每個人開心，總之做好自己嘅本份。」
113號火炬手─陳奕迅 33歲
接力路段：灣仔軒尼詩道
接力時段：約4:00pm開始
提名單位：韓國電器三星
「我好期待傳聖火呢一刻，𠵱家心情好興奮，能夠參與呢項盛事，作為中國人梗係感到光榮，希望可以順順利利完成傳聖火過程，不過我都擔心會緊張到失眠。」
008號火炬手─古巨基 35歲
接力路段：尖沙嘴彌敦道（美麗華商場至柯士甸道）
接力時段：約10:30am開始
提名單位：聯想電腦
「雖然我手汗多，但我拎住支咪咁多年都未試過跌咪，我已經着過件運動衫擺埋甫士，幾醒。總之大家唔使替我擔心，之前一晚我會早啲瞓，唞足精神傳聖火。」
088號火炬手─汪明荃 60歲
接力路段：尖沙嘴星光大道（洲際酒店對出路段）
接力時段：約3:30pm開始
提名單位：港協暨奧委會
阿姐日前在其網誌內張貼多張日前出席「北京2008年奧運會香港區火炬接力」簡報會暨記者招待會的照片，興奮的心情表露無遺。她昨日更說：「好興奮！」
116號火炬手─張學友 46歲
接力路段：灣仔菲林明道（萬麗海景酒店對出）
接力時段：約4:00pm開始
提名單位：可口可樂
「仍然好開心同覺得好榮幸，我平時有做開運動，唔使特別再操練，我會保持輕鬆心情，希望以最舒服同最佳嘅狀態去傳聖火。」
022號火炬手─陳志雲 48歲
接力路段：青馬大橋
接力時段：約11:05am開始
提名單位：聯想電腦
「好開心好興奮，我覺得好光榮好榮幸，因為係第一次中國舉辦奧運，我會負責跑青馬大橋路段，大會叫我哋唔使跑咁快，香港係個和平嘅地方，又有警方維持秩序，唔擔心搶聖火問題。」
話你知：周杰倫奧運歌揚威
北京奧運會倒計時100天慶祝活動暨第四屆北京2008奧運會歌曲評選活動頒獎晚會，前晚在北京舉行，並即場公佈獲優秀歌曲獎的30首歌曲名單，獲獎歌曲節錄如下：
歌名：《千山萬水》 主唱：周杰倫
歌名：《OneWorldOneDream》 主唱：王力宏
歌名：《聖火傳奇》 主唱：周華健
歌名：《夢想在望》 主唱：周筆暢
歌名：《在這裏》 主唱：孫楠
歌名：《站起來》 主唱：成龍、王力宏、孫燕姿、韓紅
歌名：《ForeverFriends》 主唱：孫楠、張惠妹
歌名：《北京歡迎你》 主唱：成龍及群星
歌名：《擁抱愛的夢想》 主唱：AndreaBocelli、張靚穎
歌名：《WeAreReady》 主唱：群星
資料來源：《蘋果》資料室