袁和平93年執導過由于榮光同甄子丹主演嘅電影《少年黃飛鴻之鐵馬騮》後，由前年開始，佢又計劃開拍新版《鐵馬騮》，主角已落實由古天樂做，另一位男主角就搵咗余文樂。預計喺7月開拍，製作成本約1.5億港元，資金主要來自歐洲同內地。
今次袁和平想將鐵馬騮打造成中國蝙蝠俠，硬銷去歐美市場，新版《鐵》片故事講述古天樂飾演民初時期嘅捕快，晚間就會戴住面罩去劫富濟貧，仲同徒弟余文樂合力對付大奸商。
曾斟洽發哥華仔
搵得袁和平做導演，部戲當然會有好多動作場面同特技，古仔好鍾意蝙蝠俠，𠵱家可以俾佢做中國版蝙蝠俠，佢當然好開心。
其實呢部戲之前傾過周潤發、周杰倫同劉德華做鐵馬騮，但最終佢哋三個都冇接到呢部戲，𠵱家角色落實由古仔扮演，袁和平要將佢變身為武功了得嘅俠盜，馮仁昭就睇吓佢呢鋪可唔可以幫古仔打入國際市場！
