鄧健泓（Patrick）早前拍攝新碟《Pat'sTrick》封面照，以前讀美術的他今次發揮藝術天份，不時向攝影師提供意見，其中一幕他更危坐花叢，他笑說：「唔好話我臨老入花叢，個景唔係搭出嚟嘅，本來就有，我見架車上面生咗好多花喺度，感覺好好，處處有生機嘛，我同攝影師都好鍾意呢種感覺。」
扔中髮型師
不過，Patrick爬上去時忽聞一聲巨響，令他差點掉下來，幸好最後保持平衡，他說：「原來我踩中車頭嘅玻璃窗，成塊碎咗呀。」後來攝影師要Patrick拿螺絲批作狀擲向遠處，怎知他不小心扔向正在拍攝花絮的髮型師，他說：「真係唔好意思，佢雖然冇事，但相機就花咗，我哋太熟，佢話唔使我賠。」
撰文：丁寧