楊思琦和薛家燕昨日在新城電台接受訪問，宣傳昨晚首播的無綫劇集《銀樓金粉》。因劇情需要，劇中很多角色人物都會被毒打，家燕姐說：「有一幕我要用藤條打陳秀珠個嘴，要摑到佢變豬嘴。呢一場拍足幾個鐘，其間仲真係揩到，但佢話冇所謂。唔好以為我喺劇中係惡晒，最尾秦沛有打我一巴。」
自信收視佳
在旁的思琦說：「我喺劇中做妹仔，所以無啦啦都會得罪人俾人打。有一幕就係珠姐用有刺嘅藤條打我，都有打到，因為大家覺得就住就住拍得唔夠真。」
該劇如此多暴力鏡頭，思琦和家燕姐也不怕收到投訴，家燕姐說：「唔怕，民初嘅時候真係有咁嘅事發生，佢哋有家法、體罰，個個聽到家法都驚，𠵱家嘅年代就話唔得。」另外，她們有信心該劇收視好。
採訪、攝影：王連連