施治迫不得已才戴起保護鐵盔上陣，時間久了，往後會否成為該世界級門將的標誌而不願除下呢？不會？請勿言之尚早，事關球壇早有先例，而且潮流好像趨向「首飾」越多越型之勢。
球壇巨星腰纏萬貫，但早在90年代中期，意甲球壇曾興起一輪「腰纏布帶潮」；那時候不少意國球星如廸比亞路、阿柏天尼等均愛在腰間戴起布帶作賽。究竟是因為波褲太鬆，抑或純粹為裝飾，至今仍是不解謎團。
因禍得福招廣告
另一在意甲打滾多年的前祖雲達斯球星戴維斯，相信不少球迷仍記得其「鐵血戰士look」。該名荷蘭悍將因青光眼而需戴上特製眼鏡上陣，配以其兇悍踢法，就教敵軍汗顏，外形十足十今日加州州長阿諾舒華辛力加早年主演電影《鐵血戰士》。病癒後，戴維斯不想把眼鏡除下，甚至因而吸引到廣告商垂青，可謂因禍得福。
近一點則在07年女子世界盃，場外任職收銀員的日本國腳荒川惠理子，戴起爆炸裝假髮示人，搶盡鏡頭，可謂「唔踢得都睇得」，惟實力上始終與拍檔大野忍相距甚遠。有人無奈戴頭盔，有人卻愛粉飾自己，爭妍鬥麗，認真諷刺。