周日日聯兩支傳統勁旅鹿島鹿角及大阪飛腳，齊齊客途出擊，趁正值季初單W賠率亦算吸引，一於吼實兩隊俱能擊敗大宮松鼠及神戶勝利船。
鹿島鹿角近期忽然跌watt，聯賽連同亞冠盃分組賽在內，近3場不勝兼冇入球，但可幸這支去屆聯賽冠軍，今周不受球員傷、停困擾，主力如田代有三、小笠原滿男及馬昆奴斯等俱可候命，有望反底贏回一仗。
勝利船鬥飛腳沉硬
主隊大宮松鼠續有前鋒櫻井直人因傷缺陣，不過，兩名巴西箭頭柏度祖尼亞及丹尼士馬古斯近仗腳風頗順，有力射破對手大門。賴恩唔貪心揀個1.8倍客W，再博反冧上季大宮松鼠主場輸1:2波膽，即開[+1]的3.45倍「和局」。
神戶勝利船近5場賽事未贏過，今周更缺養傷的朴康造、松橋章太及李安度蒙廸拉，而上仗迎戰升班馬札幌岡薩多亦僅賽和1:1，近況頗頹。
客軍大阪飛腳剛於亞冠盃分組賽2:0輕取墨爾本勝利，守將加地亮亦已復操，有望重返正選行列。1.95倍客W抵買，飛腳[-1]則要埋3.8倍「客勝」！文：賴恩
貼士
主客和過關/讓球主客和過關
星期日3鹿島鹿角勝（1.8）x
星期日4大阪飛腳勝（1.95）2x1
星期日3大宮松鼠和[+1]（3.45）x
星期日4大阪飛腳勝[-1]（3.8）2x3