港股上個禮拜多得國內股市支持大幅炒上，雖然禮拜五高開低收，整咗支「穿頭破腳」嘅陰燭，但係恒指技術形態已經唔同晒，走勢好番好多，短線任何嘅回吐可當技術調整，每次回吐都係揀貨買嘅好機會。
花旗股市好硬淨，雖然經濟唔會咁快好番，但係出現壞消息個市都跌唔落，即係要炒上，話唔定道指會先推上13000樓上，挾完淡倉先再插過，加埋A股近日強勢，港股好快會出現上破26000嘅局面，雖然恒指唔會咁快抽上27000點樓上，但只要港股反覆上升，而成交保持暢旺，咁個市就會好好炒，而C輪會更加好炒。
國泰C輪2123：國泰（293）上周五報收16.56元，大成交突破橫行區，好有機會上試17.5元，破位就睇18.6元，可以諗吓隻C輪2123，隻輪現價15.5仙，槓桿率10.6倍（有效5.8倍），正股升上18.6元，2123會見28仙，正股跌穿15.9元，隻輪沽出止蝕。
俊樺