呂方昨日在將軍澳電視廣播城出席葛民輝主持的節目《亮相》，找來林利、莫鎮賢和彭偉華（KK）做智囊團，莫鎮賢和KK還互笑對方的陳年緋聞。
「我慣咗遲鈍」
呂方說：「我梗係搵佢哋啦，因為大家都係新秀出身，而且我哋呢排又見番面。」
問呂方為何不請女友鄭裕玲（嘟嘟）幫忙？他說：「如果搵佢，我諗請一個智囊已經夠。做呢個節目最緊要氣氛，KK做台灣司儀反應快，我慣咗遲鈍。如果佢（嘟嘟）做嘉賓，應該唔會搵我幫手。」
另外，鄭裕玲將為無綫到北京主持奧運節目，有機會睇開幕禮，呂方說：「我都想去睇奧運，但唔一定要睇開幕。如果睇晒鍾意嘅項目，加埋酒店機票錢，都大概要花二、三十萬。」呂方看好郭晶晶和劉翔會奪金，他說：「郭晶晶跳水真係好有魅力，好吸引人好犀利。」
採訪、攝影：王連連