由薛家燕、楊思琦和伍詠薇等主演的無綫新劇《銀樓金粉》今晚首播，此劇由原本20集增至21集，帶挈藝員賺多一集騷錢。眾演員昨日齊集鑽石山荷里活廣場宣傳，楊思琦出場時不甚靈活，頸梗又腳傷，原來她日前錄影《獎門人》馬來西亞特別版時，玩剪影動作遊戲時被發泡膠板推落水，傷及頸及腳。
「壓住神經線」
思琦說：「本身頸部有舊患，玩時都估計唔到會受傷，當晚跌落水後都死頂，但最終都頂唔順，節目完咗錢嘉樂陪我去睇醫生，醫生話我頸骨第二節壓住第三節神經線。」至於稍後能否赴馬來西亞錄影獎門人，思琦表示會盡量出席。主持曾志偉昨日表示事前會和藝人溝通清楚，不會勉強藝人參與，最重要玩得開心，節目監製陳志球接受查詢時透露，不會刪改環節，而曾有舊患的參賽者應提早出聲。
採訪、攝影：卓寶花