闊太閒來無事，買吓衫同其他阿太爭妍鬥麗，都份屬正常。好似城中買衫王「Milan」咁，長期shopping先係正職，長買大品牌外，仲愛煲埋冷門偏鋒貴價靚衫，仲買埋幾十萬嘅高級訂做服㖭。雖然佢老公好錫佢，又好有錢，一向都任佢買。不過，有期Milan真係買到瘋狂，月尾結數爆晒額，連廿四孝老公都大動肝火，即刻打電話去信用卡中心，停咗Milan張信用卡，以示懲戒。Milan買嘢碌唔到卡先發現，不過你有你嬲，靚衫買唔到就買唔番，Milan竟然諗到自己打去報失嗰張卡，之後重新申請過，繼續fever買嘢，不過之後佢都知衰，收斂咗少少咁多。
Textby關仁