有意循九西出選嘅梁美芬因為生捉老鼠而成名，好多街坊見到佢都同佢傾鼠患問題，令佢忽然變成老鼠專家。梁美芬對於外界稱呼佢做「鼠王芬」似乎都幾受落，同八方傾開，仲話覺得個名都幾幽默，至少反映佢喺捉老鼠呢行幾出名，只要大家唔係叫佢做「老鼠芬」就noproblem。
鼠王芬唔止令九西市民嘖嘖稱奇，連政府都被佢嚇窒，佢引述食環署表明會認真考慮，全天候24小時設置流動收集老鼠箱，同時又暗示日後有機會分18區公佈鼠患密度，講到好似自己立晒功咁。早前鼠王芬要上廣州同內地鼠患專家同學者開會，食環署都有派官員隨團。
食環署發言人噚日只重申，無論係收集老鼠以及鼠患指數，食環署都係檢討緊現行做法。