如果你是日日去麥記，一年至少去一次主題公園，又覺得普選同你無關的那種人，當今最top塗鴉大師Banksy首度來港對你肯定沒意義，他的作品只會令你覺得撩是鬥非寸寸貢，破壞城市景觀。他寸是事實，因為他已令主流和建制明白，他隨時可以騎劫你的政府，奪去你的人心。Banksy告訴我們，世界不再流行由上而下的管治，人人也可從藝術出發。
文：thekidult
攝影：周旭文、馮敏兒
「我唔係故作神秘」
本地活躍的塗鴉人士不多，這一晚我和攝影師在中環樂慶里公園遇上本地塗鴉人Tom（假名），他坦言十分喜歡Banksy，並佩服其製作金句以及震撼畫面的能力。塗鴉人士一般都不願出鏡，免麻煩。「我唔係故作神秘，只不過係為以後做嘢方便，因為世界上無一個街頭藝術家想自己做嘢時有圍觀人龍，同上前拘捕你嘅差人！我只係想做藝術，唔想俾人拉，之前已經有Friend俾人拉咗！」傳說Banksy真名RobertBanks，74年生於英國布里斯托。從來只有極少人見過Banksy，其中英國網絡記者SimonHattenstone有幸成為其中一人，佢形容Banksy「只穿T-shirt牛仔褲，有一隻銀牙，戴銀鏈和銀耳環。」其實Banksy真正身份從未曝光，香港展覽開幕當晚Banksy親臨香港之說卻甚囂塵上，事緣場地門外的確發現其招牌猴子的Stencil。Tom認為Banksy到底有否出現其實不太重要，談塗鴉是否應該合法或者會否破壞城市景觀，好像已經有點過時。「Banksy話塗鴉唔係破壞，相反係城市生活實實在在嘅一部份，塗鴉係我哋街頭藝術家發揮創意的公共空間。政治我哋參與唔到，但係我唔想連表達都無空間。」
神秘塗鴉Tom示範
3分鐘噴Stencil
不賣予戴卓爾夫人支持者
傳聞Banksy從無接受正統藝術訓練，14歲被學校開除，被八十年代的塗鴉運動感染，開始拾起噴漆。後來Banksy研究省時之道，開發紙模（Stencil）大法，提煉出一種帶有強烈Bitterness的英式幽默作品風。
阿Tom話Banksy作品一個字講晒，就係寸：「佢寸建制、寸戰爭、寸精英主義、寸帝國主義、寸品牌主義、寸資本主義，基本上好多主流社會嘅元素都會成為Banksy嘅揶揄對象。佢分析力非常獨到，唔怕得罪權貴、警察、政治人物甚至皇室，例如《DiFacedTenners》中Banksy大印十鎊偽鈔，將英女皇頭換上戴妃，BankofEngland變作BanksyofEngland。」
許多藝術家一生只等一個名成利就的機會，但Banksy卻甚有風骨，就算廣告界龍頭Saatchi&Saatchi創辦人CharlesSaatchi想購買其塗鴉作品也不得要領；理由是，CharlesSaatchi是英國前首相戴卓爾夫人的擁護者！（戴卓爾夫人執政期間，英國貧窮的人口比例上升了一倍，社會貧富懸殊現象亦每下愈況。）
「Banksy嚴重地有世界觀」
Banksy最得人歡心的還是黑色幽默感，如本地街頭藝術家GraphicAirlines成員Tat仔所講：「Banksy唔會淨係喪鬧，而係抓住問題重點，一針拮落去。佢作品政治意味好重，反而技術上唔係好值得討論。至於香港風氣還未形成。」而余廸偉就喜歡Banksy的Down-to-Earthness，「無深奧嘢，玩咩都非常清楚，好有PoliticalMessage，揀地方做Stencil都非常Creative，今次展覽我自己最鍾意對門。我覺得Banksy叫我：「Ifyouwannadoit，doit，andanyonecandoit！」同場的卓韻芝，更非常留意Banksy作品的Detail位，微細的肌理﹔「好似《BirdwithGrenade》，以一塊好舊好舊嘅Chipboard做Platform，感覺好Rough，亦因為咁而夠晒Street。」
Bansky個展
時間﹕4月30日至5月13日每日由10:30am至6:30pm
少勵畫廊SchoeniArtGallery（28698802）
中環奧卑利街21-31號
http://www.schoeni.com.hk