蔡少芬、陳法蓉、溫碧霞及Rosemary等昨日在旺角出席「愛與狗同行」慈善相片展揭幕禮，各人帶着愛犬到場，蔡少芬甚受動物歡迎，Rosemary的小狗及盧凱彤的貓咪都撲向她要抱抱。
訓練耐性
蔡少芬想過放棄她的愛犬咩咩，她說：「呢隻狗激死我，但就當練吓我啲脾氣囉。佢今年4、5歲喇，一日我屋企換新鎖，佢突然衝咗出去搭𨋢走咗，我着住件羊咩咩睡衣落街，四圍問人有冇見過我隻狗，喺停車場見番佢，佢仲以為我同佢玩捉迷藏四圍匿。」蔡少芬謂最終把愛犬帶回家，她說：「搞到我好似癲婆咁，着住睡衣周街走，我老公安慰番我囉，隻狗成日令我出醜，喺我大班朋友面前，攞住隻洋娃娃表演真人騷呀。」蔡少芬謂她養狗練脾氣，希望日後生兒育女時也有耐性。
採訪、攝影：馬建華