年屆50嘅名嘴「女MJ」一向好注重健康，不煙不酒，仲要早起早睡，日日勤做運動，搞到佢個男朋友「肥仔」都健康埋一份，佢仲強迫男友戒煙戒夜生活。
整容嚇壞人
女MJ唔單止緊張自己嘅健康，對儀容仲緊張，佢為咗靚乜都夠膽做，所以經常去做面部維修，搞到啲面皮薄過張紙，不過佢仲以為自己好省鏡，之但係全宇宙嘅人都唔係咁諗，其他人望見佢修葺過度嘅素顏，真係仲驚過睇緊恐怖片㗎！
女MJ除咗定期維修外，又定期去買運動衫，好似佢每個月都會去同一間運動服專門店度買衫，佢通常一次過試好多件，試完啱身就即買，買完又即走，真係快過打針，佢仲要喺間店10點鐘一開門就去買，可能趁人少唔會有顧客留意佢，而且佢好早起身，冇乜嘢做咪去買衫囉。
Textby關仁
