陳慧琳（Kelly）近日又一次被傳跟男友分居兼鬧分手的新聞，昨日Kelly在沙田出席活動時，心情愉快，被問到最近的感情生活，她以三個「好」字力證跟男友的感情非常穩定。
陳慧琳跟圈外男友Alex拍拖多年，多次傳出分手，今次又再傳Kelly不肯嫁，男友搬離愛巢，面臨分手邊緣。昨日Kelly出席沙田一田百貨慶祝改名典禮時，強調跟男友情未變，她說：「冇問題，好好，好穩定，我哋不嬲唔一齊住，自己有自己屋企。」
匿氣球等到悶
對於被報道指不肯結婚，Kelly說：「我冇講過。」她又表示男友很不開心：「佢好唔開心影得佢咁醜，真係要update張新相。」相反Kelly並沒有任何不快，她說：「我冇唔開心，都冇乜嘢寫我。」不過，她表示因為太忙，暫時不會結婚。
大會以嶄新形式介紹Kelly出場，一開始台上出現一個大氣球，「嘭」一聲氣球突然爆開，原來Kelly就藏在大氣球內，她說：「一爆嗰陣唔係好驚，反而爬入去驚，喺入面等咗十幾分鐘，又聽唔到出面講乜嘢，喺入面等咁耐，甫士都轉咗幾個。」
個唱變身孔雀
即將舉行個唱，Kelly透露今次演唱會服飾相當性感，她說：「噚日去試身，嘩！越剪越多，幾驚呀！係越剪越多，但係唔會太肉感。其中有一套好似一隻孔雀，最緊要係性感得嚟靚。」
採訪：楊潔雯 攝影：陳俊強