曾任中大校長、醫學院院長嘅阿瑟王李國章，上月出席醫學院畢業生拍照日，同一眾教授、學生大合照，其間大家開香檳慶祝，一名白頭教授突襲阿瑟王，用香檳直噴向佢，搞到佢一身都係。
呢位白頭教授來頭威猛，名叫羅國鴻，據講阿瑟王都尊稱佢做恩師，羅教授係退休醫生，仲有律師牌，中大人話阿瑟王向來都好尊重佢，學得最足嘅係師承羅教授貪玩性格。阿瑟王做人好君真，正所謂"I'llrememberthis.Youwillpay!"俾人兜頭兜面噴完，隨即拎起支香檳猛咁搖，還以顏色，企佢身邊嘅沈祖堯教授快閃免得中招，一班學生避無可避，慘成「替死鬼」。