選民登記5月16號截止，唔少黨派都趁截止前再大力催谷，袋巾噚日孖住兩位極有可能喺年底同佢拍住參選嘅猛男，包括25歲嘅余冠威同32歲嘅黃鶴鳴，齊齊喺油塘邨嘅嘉年華亮相，呼籲市民登記做選民。佢兩個連同48歲嘅袋巾，其實都可以拍套男人版《政界203040》，唔知張艾嘉導演有冇興趣？
雖然參選團隊好年輕，但袋巾話佢哋乜嘢支持者都會吸納，當然有多啲年輕人梗係好㗎，所以佢哋都鼓勵年輕人登記做選民，以便9月7日可以做吓老闆，選到自己心儀嘅候選人。袋巾噚日仲喺嘉年華會上獻唱《朋友》，自嘲唔係唱得好掂嘅佢依然獲得唔少掌聲，睇嚟支持度都幾ok。