特首千方百計想香港變做「紐倫港」，最新一期《時代》周刊亞洲版選出今年15個「亞洲最佳」（TheBestofAsia），香港唯一入選嘅，係喺中環開業80年嘅名店Jimmy'sKitchen，原因係佢幾十年不變，保留濃濃殖民地色彩。
Jimmy'sKitchen總經理TomWatson知道餐廳當選好開心，佢話餐廳於1928年由一個猶太人開辦，𠵱家老闆係香港人，但裝修仍然保留舊式英國紳士俱樂部格調，餐牌上繼續保留一啲懷舊菜式，出名嘅有威靈頓牛扒同亁炒咖喱雞。Watson話唔少政界人物都係好鍾意嚟懷舊一番，好似前特首董建華、議員陳太、田少都經常幫襯。