上個星期有位仕途失意嘅老友，唔開心話得唔到上級認同搞到借酒澆愁，於是我問咗佢一句：「乜你有能力控制人哋諗法咩？」唔得。之後我腦海中泛起「波神」開會時成日問：「呢單新聞態度係咩？」啱，我哋寫體育稿嘅限制比港聞寬鬆，正因為有呢個偏頗性「主觀」立場就會有認同與不認同嘅讀者存在。
好似今次推介曼聯可贏車路士，「紅魔鬼」球迷會舉手支持，「藍軍」球迷就會群起而攻之一樣。如果讀者冇自己判斷盲目跟我擂台咁買，相信上季應該試過用八百蚊贏十幾萬嘅美好回憶，相反亦都試過輸幾萬，道理就係咁樣，所以我好認同蘋果波神一句：「寫稿要有承擔。」
做人最重要係問心無愧，至少寫稿或者推波時都全非無的放矢，好與壞留畀讀者自己判斷，信嘅話，今晚一捧曼聯吧！
主客和：曼聯勝
心得：格蘭冇料見晒底
近5場往績：輸贏輸贏贏
賴恩
以小博大，務求打破上季命中逾千倍波膽過關紀錄！續拒雞肋回報！