夏天就快到，係時候準備轉玩水上活動，消消暑；苗禮德馬房的見習騎師楊啓棠（Thomas），在前香港划艇代表甘達志指導下，搶閘落水學划艇，而Thomas試過划艇，即時產生濃厚興趣，還有意加入划艇會，休閒時可以在城門河划到夠。記者：曾雁平 攝影：王子俊 拍攝場地提供：沙田賽艇會
見習騎師學校每日下午也會安排見習騎師參與不同運動，而剛奪取首次騎師王冠軍的楊啓棠，為求在今日沙田馬場上演的女皇盃賽馬日4匹座騎能交出最佳成績，近日除加緊操練之餘，還隨前香港划艇代表、現見習騎師學校舍監甘達志到沙田賽艇中心玩划艇。
日花30元好抵玩
說Thomas有興趣絕不是說笑，落水前已對記者說：「今次好難得喺城門河划艇，幫我（用手機）影番幾張相做個紀念，唔該。」他與甘sir搬了雙人雙槳艇落河，便細問沙田划艇中心的負責人，怎樣才可玩划艇，又問收費貴唔貴，當他獲悉入會後玩一日只花30元時便說：「好抵玩。」
小心翼翼坐在後座的Thomas，在前座的甘sir帶領下處男下海，初時只見他望住甘sir怎樣划，之後，他便「有樣學樣」，在兩人互相配合下划到城門河上遊走，而返回碼頭後，楊啓棠急不及待問甘達志稍後時間可否再帶他玩多次，甘sir笑說，最緊要你們有興趣：「其實我一直都想帶見習騎師學划艇，因隊際划艇最講求合作，而玩4人艇就更好，因為最講大家配合同溝通，其中一個唔合作都划唔得好，相信試過划艇後會有效提升你們的合作精神。」
講求臂腰力量
楊啓棠事後感謝甘sir讓他有機會接觸划艇運動，而感覺是比想中困難：「初初睇以為好容易，怎知划落一點也不易，既要講求兩人的配合，又要講節奏與落槳角度，雖然划的途程唔算長，但所消耗的臂及腰力一點不少，而臂力與腰力正正是跑馬最用力的位置，相信長玩划艇對騎馬會有幫助。」
邊度有得學
在香港可以玩划艇的地方不多，而沙田城門河的沙田賽艇中心與賽馬會石門賽艇中心都可以玩到。有興趣者可先加入屬會，之後便可報名參加訓練班，如掌握基本技術便可以日租形式租艇玩個夠。
沙田賽艇中心資料
地址：新界沙田源禾路27號
查詢電話：26997271
傳真：26014477
網頁： http://www.rowing.org.hk/rowing/index.jsp?l=b5