白鴿黨副主席單仲偕空降港島參選，掀起港島區黨員「倒單」浪潮，前晚該黨舉行特別中委會，決定假如下月港島支部否決單仲偕空降，就會召開特別會員大會，由全體黨員決定單仲偕命運。
有「倒單」黨員向八方表示，由於港島支部封殺單仲偕機會極大，相信挺單陣營未來半個月會全力拉票，令單仲偕喺特別會員大會「翻生」，不過佢指若特別會員大會通過單仲偕出選港島，倒單人馬唔會罷手，會發起對單仲偕不信任動議，更唔排除發動更多行動，包括出公開信及直接要求陳太不要與單合組名單。單仲偕方面一直按兵不動，冷眼旁觀黨員話，主流派可能正引蛇出洞，一俟幕後「黑手」現形就會反擊。