藍鑽石同好多波迷一樣，經歷咗個黑到透嘅禮拜，先係貼紅軍贏車仔1:0，俾懷斯補時搞破壞，到巴塞對曼聯貼C朗首球，點知佢射12碼攞咁盡……。不過，比起近排港聞一而再報道嘅慘劇，我哋所謂嘅「不幸」算得乜？得閒仲可睇吓波、對酒當歌其實好幸福，緊記珍惜眼前人。
抒發完呢番老套嘅感慨說話，唔爭在好老套咁推介意甲。馬會皇恩浩蕩（或者係請君入甕）開晒10場意甲，既然上輪泛紅潮、黃潮，今輪超過廿人停賽，記緊睇軍情。卡利亞里陣殘，霍治亞、芬尼都停賽，明日衰硬畀國米。
讓球主客和：國際米蘭勝[-1]
心得：意甲古靈精怪，但國米穩
近5場往績：贏輸贏贏贏
藍鑽石
忙於為與簡拿華路同日生的囡囡換片、掃風，但睇意甲，一場都不能少。