英冠仲有兩周，鎖定多支升班要角後，季尾成績算見得吓人，玩成季目前只有約5%虧損率，球季尚有3、4個禮拜，仍有不俗機會歸本。今周重心放在上仗睇死佢嘅屈福特，主場迎戰已肯定來季降班嘅斯肯索普，主W得1.42倍，不如博入球「大」兼「讓球主客和」的「主勝」。
眾射手係時候表現
上仗睇死屈福特會主場負季尾勢勁嘅水晶宮，今次回馬槍捧他們大炒贏波，主因係對手為實力大幅減弱、來季回降英甲嘅斯肯索普；屈福特原本極有機會直升超聯，但近12戰只錄得1勝，目前排第5位，僅比第6位水晶宮多1分，多第7位狼隊3分，再失分恐怕連踢附加賽機會也沒有。
屈福特主要問題係前鋒全死火，貴價貨艾寧頓已13場聯賽未有入波，首席射手達路斯靴達臣則有9場，季尾還要急召借去普雷斯頓嘅普斯堅歸隊解困，其實上述3位加埋卡巴俱是當打有質之輩，今次遇上成個英冠得失球淨差最劣，高達負24球兼唔識作客嘅斯軍，喺時候替水浸眼眉嘅屈軍打場翻身戰。
斯軍降硬被炒冇所謂
對手斯肯索普篤定降班後，上仗放鬆心情主場爆冷3:2贏卡廸夫城，而該隊煞科日會返主場對包尾高車士打作面子戰，反觀今場作客屈福特，作戰心態成疑，就算被大炒亦冇所謂。重心之選為入球大，再博一注「主勝」。
配腳取馬會只開「主客和」嘅史篤城作客贏另一降班馬高車士打，唔驚1.65倍W係鬼盤、搶分護級嘅高雲地利，平手盤𡁻務必要贏波博入前6嘅狼隊，及受讓屢有佳作嘅布里斯托城，作客錫菲聯坐和望贏。
近5場往績：贏輸輸贏贏
蘋果波神
今季唔得，咪下季嚟過囉！