今年春夏天好興露趾鞋，但與以往幾季唔同，今年唔興露晒所有腳趾嘅凉鞋，而係鞋頭露少少、好elegant嘅有踭鞋。
我個人唔係好鍾意着露趾鞋，硬係覺得將啲腳趾展示人前，好似自揭私隱咁。問啲男性朋友，佢哋對於女士着露趾鞋反應好極端，有啲就話覺得好性感，但大部份都話唔係好頂得順，特別係如果着露趾鞋嘅女士，腳嘅膚色較黑而又塗上血紅色或深色指甲油，就更倒胃。
講起腳趾，由於足球員用腳搵食，好多個啲腳趾都歪歪斜斜或者有啲缺陷，唔係好見得人，據聞現帶領些路廸嘅蘇格蘭名宿史特根就冇晒腳趾甲。至於今期推介，就係有據講啲腳趾都唔多靚嘅前鋒馬卡爾復出嘅飛燕諾，捧佢哋可以喺荷蘭盃擊敗洛達捧盃，詳情留意我周日嘅荷盃預告啦！
主客和：飛燕諾勝
心得：飛燕諾有馬卡爾復出
近5場往績：輸贏贏贏贏
吾中
買嘢講名牌，但賭波一定唔會做名牌奴隸嘅大聯盟女神。