杜德智、杜德偉兩兄弟前晚各自拖女友欣賞Yohji時裝騷，杜德偉一見記者即說：「你哋唔好再叫佢做阿菲，佢係香港女仔，唔係台灣妹。」又說：「我好鍾意Yohji，當年第二張專輯就係全身Yohji，今次嚟吸一吸靈氣，我同內地朋友一齊搞男裝Hautecouture（高級訂做服）。」
低調搞時裝
問杜德偉是否投資過百萬？他說：「係我人生最大筆錢，我都有份設計。」他表示拍檔有客源保證，但自己絕不做代言人，他說：「我會低調咁做，唔會將明星身份投入生意內。」莫非對娛樂圈心淡？他說：「我點會心淡？我今時今日擁有嘅，全部都係娛樂圈畀我，唱歌同拍電影各方面我都隨緣。」他又透露在中港台都有房產，故會三地走。