楊秀惠和Angelababy昨日在中環出席Nokia手機活動，楊秀惠大露背、小短褲，清凉性感，她說：「都係大會畀嘅衫，適當性感我冇問題。」她表示由小到大，其母親都喜歡她穿得性感：「佢（媽咪）鍾意我着短裙，將來男友唔鍾意我性感，咪收埋囉。我呢輪跳hiphop，線條firm咗又瘦咗。」問她會否力求完美而去隆胸？她說：「唔會，我問過啲男仔朋友，佢哋一般都話介意女朋友做過手術。」
「男友見過晒」
Angelababy也揚言不介意穿得性感，但比堅尼免問，她說：「因為我都係model，但𠵱家仲細個，等大啲先算。」莫非緋聞男友陳偉霆介意？她說：「佢係朋友，啲朋友去沙灘，都一早見過晒我着泳衣啦。」
採訪：梁錦雯
攝影：陳慧安