蘇玉華一向守身如玉，不過她最近為了拍一輯SPA廣告，罕有地露出雪白香肩，拍攝期間，阿蘇足足浸了四小時，她還親自將毛巾包實，她說：「現場只有我同助手係女仔，其他清一色係男工作人員，所以當我濕身上水時，佢哋都側面迴避，費事尷尬，不過我都唔係真空上陣，我好穩陣有打底，唔會走光嘅。拍嘅時候唔係好辛苦，因為真係有用產品去浸，個感覺好正，拍廣告之餘又可以乘機鬆弛吓。」
加薪再合作
阿蘇與該品牌已是第三年合作，被問到酬勞加幅時，她說：「已經三度合作，每次都有加酬勞，今次梗係滿意啦，最重要係合作過程愉快，我同啲工作人員又有默契。」拍攝當日天氣稍凉，工作人員為免阿蘇冷倒，還為她準備美食及滋補燉品，果然照顧周到。
採訪：陳寶明