李彩華（Rain）、唐文龍、董敏莉、陳少霞及梁俊一昨日假城市高爾夫球會宣傳亞視劇集《火蝴蝶》，最近有報道指唐文龍拍攝該劇接吻戲時咀個不停，十分投入，就連導演叫停機，他也充耳不聞，在《火》劇中跟唐文龍最多咀戲的Rain說：「咁套劇係有咁嘅需要，佢好鬼仔，做得好投入，好專業。」但咀到連停機也不知，有否覺得唐文龍的表現過於肉緊呢？Rain說：「係呀！可能佢特別愛我囉！一開始係激情啲，其實大家都係睇番片段先咁講。我諗番拍嗰陣時個腦一片空白，我都係睇番先覺得激。」
「唔知架機幾時停」
唐文龍對於被指拍咀戲時過激，變成「鹹豬嘴」不以為然，他解釋說：「咁要熱情就要熱情，咁個鋪排係要嗰種激情同熱誠。」至於停機都不知仍繼續咀，他說：「我真係唔知架機幾時停。」
另外，Rain前緋聞男友林峯被指跟早前離奇死亡的內地女星譚靜有不尋常的關係，Rain不置可否，她說：「我未聽過，𠵱家最希望係個女仔可以得到安息。」
採訪：楊潔雯 攝影：陳順禎