今周仍然無緣貼英超早飛，繼續在最擅長的西甲地盤賣命，感覺良好。周六梅西亞迎戰西維爾「大」格，值得早買，甚至可吼4球或以上。
19位的梅西亞仍然吊緊鹽水，實情降班只是遲早的事，今周兩大防中阿蘇及莫維拿齊齊坐波監，中路守力更弱，可幸前線有前鋒高爾湯停賽復出，預料冇得守焗攻。
客軍西維爾又是另一支焗攻球隊，暫排第6位仍有望爭歐聯一席；上仗慘負艾美利亞1:4，源於早段已有丹尼爾擺烏龍致陣腳大亂。今役左路缺停賽的艾廸安奴及養傷的德古天奴域，但前線有廸亞高卡普及路爾斯法比安奴等人，早買「大」有着數。
配腳可揀拉科魯尼亞主場對巴塞隆拿不敗，平手盤2.04倍可吼。巴塞下周有歐聯大戰曼聯後顧，今役又有恩尼斯達及米列圖停賽，加上要追皇馬無望，相信會留力。文：畢傑
西甲
混合過關：星期六60拉科魯尼亞勝（平）x星期六70梅西亞大（1.65）2x1