六叔邵逸夫被指已秘密出院，他的姪孫女邵聖瑜前晚在中環出席Chanel珠寶酒會時，不願對此作出評論，但問到六叔健康狀況，她即說：「IthinkheisOK（他應該沒問題）！」同場還有陳道然（蘭子）、宣萱、余安安、林建岳女友Monica、潘廸生女兒潘楚穎與男伴等。
宣萱唔睇合約
宣萱透露稍後將與陳錦鴻合作新劇，年底就會約滿TVB的她說：「還晒啲劇約，會係自由身，續唔續就最緊要係開心。」問她會否在合約中加入可拍拖等條件？宣萱說：「公司從來都准，我15年來冇睇過TVB份約，呢份係我畢業後第一份工，做到𠵱家一直好好。」此外，蘭子早前被拍到與男友利承武夜逛跑馬地，她否認是為了覓同居，她說：「揀都唔揀跑馬地啦，咁多狗仔，我住嗰度，咪24小時都要戴住個胸圍。」
採訪：羅慧敏
攝影：陳慧安