於𡃁界闖出名堂的JaniceMan昨日到中環出席三星新數碼相機發佈會，以一身夏天打扮出現的她現場作簡單示範，吸引大班記者拍攝。事後她接受訪問時，被問到可擔心私人照片外洩時說：「其實最緊要就係唔好放上網，同埋用自己嘅相機影相，除咗blog之外都唔好周圍放。」
終極尺度面貼面
JaniceMan又提到不會拍攝親密照片，面貼面已是自己終極尺度。至於近日有報道指她與Angelababy因爭上位而不和，她聞言笑說：「好悶呀！唔想再因為呢啲報道而炒作囉，其實我哋有冇不和，大家實睇到，佢生日我仲親手整蛋糕同生日卡畀佢。我哋互相都想大家好，唔會因為呢啲小事而鬥爭。」
採訪、攝影：藍文浩