王晶新片的一眾女演員包括孟瑤、趙彤及梁敏儀等，為催谷新片，昨日特別穿上比堅尼泳衣騷身材，在遊艇玩遊戲，不過身材較輸蝕的莊思敏就表示暈船浪。其後眾女又被男演員迫令做出眾多高難度彎腰、俯身等動作，瞓身宣傳。
王晶新片《我老婆係賭聖》的演員包括孟瑤、趙彤、梁敏儀、莊思敏及一眾男演員，昨日乘坐遊艇出海暢遊，幾位女演員穿上性感三點式玩遊戲，讓在場男士眼睛大吃冰淇淋。
趙彤認唔夠勁
剛成為本報「第三屆金話梅電影選舉」中最爛女主角的孟瑤，身材逼爆比堅尼，她自言已習慣以泳裝示人，其36D上圍經常成為焦點，搶盡眾人風頭，連玩遊戲時，陳國坤等男士也刻意要她做出高難度動作，展露驕人身材，孟瑤對此說：「大家一直都這樣注視，感覺很無奈，不過開始習慣，今次這部戲開始，已經不用太多性感了。」身材經常被作比較，孟瑤謙虛表示大家身材都很好、很漂亮，最重要是健康。
趙彤在戲中飾演張家輝的前度女友，角色潑辣，經常要惡罵男友。擁有33C、24、33誘人身材的趙彤，聲稱不怕被比較身材，她說：「唔怕，我一定唔係最勁嗰個。」趙彤雖然對自己身材有信心，但過去一星期也每天做30分鐘機械運動。
吃暈浪丸無效
身形瘦削的莊思敏，笑稱自己沒身材，所以泳衣也比較密實，她說：「上船好想嘔，之前食咗暈浪丸都唔掂。」梁敏儀表示她們都是穿私伙泳衣，她說：「唔係特登着得性感啲，因為我鍾意曬太陽，我屋企啲泳衣全部都係三點式。」
採訪：張俊銘
攝影：林德雄