餸菜好味與否，除了材料要新鮮，醬料也擔起一半重任，醬料調得好，可令蔬菜肉類加分。梁樹華師傅把傳統西式醬料如Pesto及芒果Salsa醬，以中式醬料演繹，味道香濃，更勝傳統。
記者：黃潔蓮
攝影：黃子偉
示範：香港廸士尼樂園行政中廚梁樹華Tony
梁樹華師傅
現任香港廸士尼樂園行政中廚，曾於香港及中國各地多間5星級酒店任職行政總廚，於烹飪比賽中多次獲獎，如1980年香港家鄉菜式設計比賽特別大獎、1991年香港食品節菜式設計比賽金獎，2003年更獲中國飯店協會頒發「中國烹飪大師」榮譽。
蠔油香草炒牛柳條
1hr15min
4人份量
這個中式香草醬，其實係仿照西餐的Pesto醬，不過我就用金不換葉代替羅勒葉，加埋雙璜生抽及麻油，香味會更濃。
材料
牛柳條340克、翠玉瓜1條（切條）、紅椒1/2個（切條）、鮮冬菇6隻（切條）、蒜片/鹽/雞粉/油/生粉水各少許
醃料：舊庄特級蠔油1/3茶匙、雙璜生抽1/5茶匙、粟粉11/2茶匙、生油/砂糖各少許
中式香草醬：金不換葉20塊、芫荽10棵、芝麻油/薑米各少許、雙璜生抽2湯匙、橄欖油2湯匙、炸腰果80克
調味料：砂糖1/3茶匙、雞粉1/3茶匙、舊庄特級蠔油1茶匙、老抽1/4茶匙、生粉水4湯匙
做法
1.牛柳條用醃料醃1小時備用。
2.將中式香草醬材料切碎，然後用小碗混合拌勻備用。
3.燒熱油鍋加清水及放鹽、雞粉及油，將翠玉瓜條、鮮冬菇條及紅椒條略煮入味，隔起備用。
4.再燒熱油鍋將牛柳條炒熟，加入調味料略炒，隔起瀝油備用。
5.橄欖油爆香蒜片，放翠玉瓜、鮮冬菇、紅椒及牛柳條，再加適量香草醬埋生粉水芡上碟即成。
Sandy：我自製嘅香草有陣苦澀味，但喺街食又冇喎，點解呢？
答：做香草醬唔可以懶，千祈唔好貪方便用機攪碎，咁做會破壞纖維，溢出苦味，一定要用刀剁。
雙璜香醋汁煎魚塊
0hr20min
4人份量
魚塊用蛋漿包住煎封，再用雙璜生抽、麻油及老抽調成嘅汁去燜煮，鮮味加倍滲入魚塊。
材料
青衣魚柳450克、薑片6片、葱10條、金不換葉8塊、紅椒6片、清水50毫升、生粉水少許
醃料：雞粉/芝麻油/鹽各少許
雞蛋漿：雞蛋1隻、粟粉3茶匙（拌勻備用）
調味料：雙璜生抽11/2湯匙、雞粉1茶匙、砂糖11/2茶匙、老抽1/3茶匙、鎮江香醋1湯匙
做法
1.先將魚柳切件，用醃料拌勻。
2.將醃好的魚柳拌入雞蛋漿中，燒熱油鍋將魚柳用慢火煎熟，隔起瀝油備用。
3.用橄欖油爆香薑葱、紅椒及金不換葉，放入清水、魚塊及調味料（除鎮江香醋外）略煮，加生粉水炒勻，最後加鎮江香醋炒勻上碟即可。
Ada：除咗青衣魚柳，仲有乜嘢魚適合做呢味餸呢？龍脷柳得唔得呢？
答：最好揀唔係咁多骨的魚，貴氣啲用石斑、東星斑都得。
XO醬芒果煎豬扒
0hr50min
4人份量
這個餸關鍵都係個醬，有點似墨西哥的Salsa芒果醬，有芒果肉加埋XO醬，又甜又辣，特別惹味，配豬扒就最啱。
材料
豬扒6件、芒果粒100克、洋葱粒40克、青紅椒粒少許、XO醬2茶匙、清水100毫升、生粉水少許
醃料：舊庄特級蠔油1/2茶匙、鹽1/4茶匙、雞蛋1隻、粟粉3茶匙
調味料：舊庄特級蠔油1茶匙、鹽2/5茶匙、砂糖11/2茶匙、老抽1/3茶匙
做法
1.洗淨豬扒，用醃料醃30分鐘。
2.燒熱油鍋將豬扒慢火煎熟，隔起瀝油，上碟排好。
3.爆香洋葱粒，放入XO醬略炒，再加入清水及調味料後，放入芒果粒、青紅椒粒略煮及用生粉水埋芡，淋在豬扒上即成。
王小姐：豬扒好多時會好嚡口，係咪要用刀背剁佢至鬆化呢？
答：除了剁，還可以用鬆肉粉，可鎖住肉汁，不會煮亁，但份量不可太多。
蘿蔔魚滑野菌湯
0hr30min
4人份量
Tony說鯪魚肉與白蘿蔔在味道上是最好的配搭，加上白蘿蔔具有促進消化、增強食慾的效用，𠵱家天氣開始熱，冇乜胃口，食白蘿蔔就最好。
材料
鯪魚肉190克、中蝦米50克、大地魚片少許、白蘿蔔1個、大粒鮮草菇10隻、雞髀菇2隻、鮮冬菇15隻、翠玉瓜1個、中芹菜1條、青葱1條、冬菜/鹽/雞粉/麻油/胡椒粉各少許
配料：濕陳皮粒/冬菇粒/葱花/中芹菜粒各少許
調味料：鹽/雞粉/胡椒粉/芝麻油/粟粉各少許
做法
1.菇類及翠玉瓜切片；中芹菜和青葱切粒；白蘿蔔切粗絲備用。
2.將陳皮粒、冬菇粒及調味料加入鯪魚肉中，加少許清水拌勻後，攪撻至起膠，混入中芹粒及葱花備用。
3.將蘿蔔絲放入熱水中，加少許鹽及雞粉調味，約煮5分鐘用碗盛起攤凍，隔起蘿蔔絲剩湯備用。
4.煮好蘿蔔絲加入鯪魚肉中攪勻，加少許麻油，用手搓成圓球備用。
5.燒熱深鍋加少許油，放大地魚爆香及將蝦米炒香，加其他菇片略炒後，加1.5公升清水猛火煲滾，再加留下的蘿蔔湯。
6.蘿蔔絲魚滑放湯中，魚滑浮面即熟，加鹽及胡椒粉調味，放中芹菜粒、青葱粒及冬菜即成。
伍小姐：白蘿蔔要點揀呢？有時買番嚟啲蘿蔔唔靚，有苦味呀！
答：揀蘿蔔要墜手，唔好揀花心蘿蔔。同時刨白蘿蔔皮時刨深些，不要留筋膜。
網上重溫
http://cooking.appledaily.com