今年，香港車壇可以話熱鬧非常，新車數目多到你唔信，連我都覺得眼花撩亂。到咗4月，以為終於可以停一停，等我可以睇清楚到港新車嘅Information，點知轉頭又收到料，話有水貨車行搶先一步，引入咗全球人氣急升嘅Fiat500，而且仲要係最Top嘅1.4公升版本㖭！身為代理嘅AutoSportiva亦不敢怠慢，佢哋市場部嘅朋友即刻打電話嚟，叫車報員同大家講，話佢哋先係Fiat嘅正式代理，仲話由開始收Fans嘅訂車Order至今，已經將今年嘅Quota賣咗一半有多喎！咁又係呀，AutoSportiva引入嘅Fiat500都係1.4公升版本，兼且仲要手波同Selespeed半自動波版一齊嚟，等班Fans可以有多個選擇。售價$198,000起。貴？呢個價錢已經包埋兩年原廠保養㗎！
記者：車報員