蔡少芬（Ada）一身性感deepV的打扮，出席舅父Barry的一站式服務新店開幕派對，她儼如主人家般款待客人，她自言是掛名老闆兼任公關，若生意額理想，會考慮要求分紅，最好益埋老公一份，實行分甘同味，有福同享。
蔡少芬的舅父Barry開設一站式服務平台，包括有美容、按摩、美髮及日本餐廳等，前晚於世貿中心舉行開幕酒會派對，出席的圈中好友包括梁漢文和李彩華。打扮得靚靚的蔡少芬出席酒會，她一身桃紅色deepV裙，儼如主人家一樣招待各界好友。
高興老公同受惠
風騷十足的蔡少芬說：「我係貴價貨嚟㗎，我有幫手做代言人，見到舅父啲生意越做越好都好開心，有咁好成績，我都要分紅先得，雖然冇份夾錢投資，但都算係掛名老闆，我有幫手宣傳㗎。」
問到她的甜心丈夫張晉是否同樣有受惠？她開心笑說：「我嘅另一半梗係有受惠。」
早前有報道指蔡少芬計劃兩年後生育，她聞言未有正面回答，只是笑說：「身體健康最重要。」說到她打扮性感，丈夫可有微言？她說：「佢都冇乜所謂，着泳衣都可以㗎，不過要性感得嚟健康同靚。」蔡少芬婚後甚得奶奶歡心，她自覺做了張太之後身份得到肯定，所以日日心情都咁靚！
新劇洗花瓶惡名
李彩華也有來撐場，她想當年做模特兒時候，曾與蔡少芬及吳奇隆一齊拍過婚紗廣告，故有時也會聯絡。她又說不少朋友都讚她在近日播映的《火蝴蝶》中演技有進步，希望可以為她擺脫花瓶形象。
此外，梁漢文單拖到來，他說：「其實係我女友有個朋友喺度做，但女友唔想影相受訪先冇嚟。」說到投資生意，他表示相士說他有生意命，最好做飲食業，但做生意要先看緣份。
採訪、攝影：楊潔雯