中國人有句恭賀說話叫「波馬亨通」，用嚟祝賀啲賭仔賭波賭馬都手風大順。打比郡領隊祖維爾係咪嗜賭之人，我求大俠就唔知，我淨係知佢波馬都唔亨通囉！打比郡一早宣佈咗降班，祖維爾喺「波」上面先輸一仗；喺「馬」嘅層面上，佢都一樣冇運行。聽講祖維爾係兩隻馬嘅馬主，「馬仔」Splash跑咗11場都未試過入3甲；「馬女」DameDeBalme仲衰，首次出賽又被騎師拉停埋完成唔到比賽，真係同個馬名一樣咁Daxx！