劉德華去年5月「生」了一對親生子─Andox和黑仔。Andox最近成為本地牛仔褲品牌BluesHeroes的創意策劃人，更隨着「母親」劉德華周遊列國擷取創作元素，還推出限量版衣物，可謂子憑母貴！
劉德華日前接受本報訪問，對親生子Andox能夠跟BluesHeroes合作推出產品兼舉行展覽，感到很驚訝，他更代囝囝分享今次的創作理念──Departure。華仔希望透過多往外闖，跟不同國籍和背景的朋友交流，從而帶出世界大同的訊息，他說：「每次同其他產品合作，商業味都比較濃，所以今次感覺好似怪怪哋，因為商業味道唔係好重，覺得只係將外國嘅嘢帶返香港同大家分享。」
鍾愛簡單設計
今次合作推出的限量作款式不多，以黑白T恤和洗水vintage味的牛仔褲為主，走簡約型格路線。華仔表示較喜歡單色或設計簡單的衣服，對basic的牛仔褲更愛不釋手，他說：「我唔係太喜歡古靈精怪嘅cutting，之前接受唔到窄腳褲，但𠵱家會囉，要多嘗試，但我一生人都唔鍾意斜袋嘅褲。我覺得男仔唔好着高腰，平時着大一個size就更加自然。」
每次在台上看到的華仔都是官仔骨骨，原來他對衣着也有份執着，他說：「我唔係唔注重包裝，我會睇夾唔夾，其實到今時今日，我都唔會着T恤同牛仔褲上音樂節目，始終係onstage表演，無論300人又好，30人都好，要尊重場合。」
欣賞法設計師
華仔又透露欣賞法籍男設計師AzzedineAlaia平實而簡單的設計，可惜他一直未有機會穿着，華仔笑說：「近呢兩年因為開演唱會嘅關係認識Alaia，佢嘅設計好簡單，又以單色為主，真係好靚，可惜佢只係做女裝，有機會我會approach吓佢。」
四海一心
Andox今次跟BluesHeroes合作，為隆重其事，在潮店D-Mop舖內舉行以Departure為主題的概念展覽，除了有Andox四處遊歷的照片外，更邀請六個國家的設計師，創作靚牛展品，包括日本ABathingApe網站主腦MasahiroHirai以及英國的WillLees等，團結一眾來自世界各地likeminded的朋友。
採訪：LawWaiMan
攝影：ChenWaiOn（訪問）、RickyChan（模特兒）
示範：KarinafromStyleManagement
化妝：Janicesum
場地提供：D-Mop
