成龍同李連杰主演嘅電影《功夫之王》，上個禮拜已經喺美國上映，仲勇奪票房冠軍㖭。成龍喺戲中除咗做醉拳大師之外，仲會化個老妝做當舖老闆，佢話：「呢幾場戲我最鍾意，我扮老角嘅時候，模仿咗《教父》裏面嘅馬龍白蘭度，但諗起每次要用七個鐘化妝，兩個鐘卸妝，我就覺得比平時拍高難度動作更攞命。」