任賢齊下月4日和5日會於紅館舉行慈善演唱會，他找來香港著名插畫師CarrieChau為其個唱設計了一系列產品包括cap帽和T恤等，收益撥捐仁濟醫院。小齊日前說：「係我個髮型師介紹Carrie畀我識，我好欣賞佢，佢好有藝術家氣質。」
名插畫師相助
小齊對於Carrie創作的精品很滿意，並收藏了一套留念，他笑說：「平時佢畫一幅畫起碼要半年，今次要佢一個月內起晒所有設計，真係好多謝佢。」問小齊會否邀請Carrie為他囝囝和囡囡畫畫？他說：「我唔敢要求，因為佢唔想俾人限住畫啲乜嘢，不過早年Carrie搵咗我女友Tina做模特兒畫咗幅抽象畫，希望有一日佢都想搵我對仔女做模特兒。」
撰文：麥佩儀